|
Graphie d’origine |
Graphie
supradialectale
(ORB) |
Français
(traduction littérale) |
|
1.
I l’a dé chin byin grantin,
ona famele de Tsandououën, apréi
kyé chon ita marya, l’an desida d’atseta
ona vyele fèrma kyé ire a vindre
outre i Maranyené. |
1. Il y at de cen bien grant-temps, una
famelye de Chandoulin, aprés que sont étâs mariâs, ils ant
dècidâ d’achetar una vielye fèrma que ére a vendre outre ux
Maragnènes. |
1.
Il y a de cela bien longtemps, une famille de
Chandolin, après qu’ils ont été mariés, ont décidé d’acheter une
vieille ferme qui était à vendre
aux Maragnenaz.
|
|
2. I chon donkyé
parti outré, tui dóou, ona demëndze
apréi-dena dou mi dé màa, pó vêre
chin kyé ouìon atseta. I fèrma conprinjìé
ona vyele mijon, ona groucha grandzé
é ona rimize, dé pra pó djye eatsé
é càkyé j-àbró, chortó dé nóyè é dé
cherijyé. Derën ou bou, i l’aìé voué
eatsé é dóou módzon, dé tchyévré
é dé faeé. |
2. Ils sont donque partis outre, tués
doux, una demenge aprés-denar du mês de mârs, por vêre cen que
volyévont achetar. Le fèrma compregnéve una vielye mêson, una
grôssa grange et una remise, des prâts por diéx vaches et
quârques âbros, surtot des noyérs et des ceresiérs. Dedens lo
bouél, il y avéve huét vaches et doux mojons, des chiévres et
des feyes. |
2.
Ils sont donc partis, tous les deux, un dimanche
après-midi du mois de mars, pour voir qu’ils voulaient acheter.
La ferme comprenait une vieille maison, une grande grange et une
remise, des prés pour [élever] dix vaches et quelques arbres,
surtout des noyers et des cerisiers. Dans l’écurie, il y avait
huit vaches et deux génisses, des chèvres et des moutons. |
|
3.
Tó chin ìre a vindre po kyëndzé
meoué fran. É dóou Chevyejan
l’an tróoua kyé iré pa tchyè é l’an donkyé
desida d’atseta ha propriétéi
chën démanda méi d’esplecasyon. Dinche,
i l’an fé ini ó ouindéman ó notéiro.
L’an fé ou’auto é l’an paea
a fèrma contin. |
3. Tot cen ére a
vendre por quinze mile francs. Les doux Saviesans ant trovâ qu’ére
pâs chier et ils ont donque dècidâ d’achetar cela propriètât sen
demandar més d’èxplicacions. D’ense, ils ont fét venir lo
lendeman lo notéro. Ils ont fét l’acto et ils ont payê la fèrma
comptent. |
3.
Tout cela était à vendre pour quinze mille
francs. Les deux Saviésans ont trouvé que ce n’était pas cher et
ils ont donc décidé d’acheter cette propriété sans demander plus
explications. Ainsi, le lendemain, ils ont fait venir le
notaire. Ils ont fait l’acte et ils ont payé la ferme comptant. |
|
4. Adon,
i l’an crou kyé l’aìon fé ona prou bóna afére.
Ëntre é dóou, ha néiouéi,
l’an vouida ona tsana dé mosca
dé Tsandoouën é chon parti dromi ourou,
cómin dé péchon derën ou’éivoue. |
4. Adonc, ils ont cru
qu’ils avévont fêt una prod bôna afére. Entre les doux, cela
nuet-lé, ils ont vouedâ una chana de môscat de Chandoulin et
sont partis dromir herox, coment des pêssons dedens l’égoue.
|
4.
Alors, ils ont cru qu’ils avaient fait une très
bonne affaire. Entre les deux, cette nuit-là, ils ont vidé une
channe de muscat de Chandolin et ils sont allés se coucher
[partis dormir] heureux, comme des poissons dans l’eau. |
|
5. A chenan∙na
apréi, l’an pri ó móoué é l’an
deminadjya rlòo tsóoujé
outre à fèrma di Tsandoououene.
Ìron fyè cómin dé pyó d’ai pouchou
atseta ha groucha propriétéi,
rlòo kyé ìron prou dzoouénó é a
vya déean rlòo. |
5.
La senana aprés, ils ont prês lo mulèt et ils ant
dèmènagiê lyors chouses outre la fèrma de Chandouline. Érant
fiers coment de piolys d’avêr possu achetar cela grôssa
propriètât, lyor qu’érant prod jouenos et [avévont] la via
devant lyor. |
5. La semaine suivante, ils ont pris le mulet et ils
ont déménagé leurs affaires à la ferme de Chandoline. Ils
étaient fiers comme des poux d’avoir pu acheter cette grosse
propriété, eux qui était si jeunes et [avaient] la vie devant
eux. |
|
6. I l’é donkyé
ën rijin a gôrdze dépléàé kyé chon ita
déré adjyo a hou dà famele é i vejën.
Stou-la, l’é véréi ìron oun póou
dzaou dà chanse kyé l’aìon jou, é dóou
dzoouénó, ën n-atsetin sta groucha fèrma
ochi bon martchya. |
6,
Il est donque en risent a gôrge dèpleyêe que sont
étâs dére adiô a celos de la famelye et ux vesins. Cetos-lé, il
est veré, érant un pou jalox de la chance qu’ils avévont yu, les
doux jouenos, en achetent ceta grôssa fèrma assé bon marchiê.
|
6. C’est donc en riant à gorge déployée
qu’ils sont allés dire au revoir à ceux de la famille et aux
voisins. Ceux-là, c’est vrai, étaient un peu jaloux de la chance
qu’ils avaient eue, les deux jeunes, en achetant cette grosse
ferme aussi bon marché. |
|
7.
Voué dzò apréi
ai fé ou’autó, é dóou
Chevyejan marya chon donkyé parti po
dé bon outre i Maranyené acheta rlòo
minadzo. I l’an tsardjya é deride tsóoujé
kyé rlòo jé restàé chou ó tsaré. Chon
mounta rlòo avouéi é
chon parti ën dejin adjyo a tui hou kyé
récontràon chou a róta comin choechon parti
po é j-Amirikyé. |
7.
Huét jorns aprés avêr fêt l’acto, les doux
Saviesans mariâs sont donque partis por de bon outre ux
Maragnènes assetar lyor mènâjo. Ils ont chargiê les dèrriéres
chouses qu’il lyor est réstâyes sur lo charrèt. Sont montâs lyor
avouéc et sont partis en desent adiô a tués celos que
rencontrâvont sur la rota coment s'ils ussont partis por les
Amèriques. |
7. Huit jours après avoir fait l’acte, les
deux Saviésans mariés sont donc partis pour de bon aux
Maragnenaz installer leur ménage. Ils ont chargé
les dernières affaires
qu’il leur restait sur le char. Ils s’y sont installés eux aussi
et sont partis en disant au revoir à tous ceux qu’ils
rencontraient sur le route comme s’ils étaient partis pour les
Amériques. |
|
8. Pó myedzò,
ìron ëntchyé rlòo. I che chon mitou
tui dóou ou traó. I falìé féré
chin kyé préchàé ó plo déean kyé aa
cajena ó bétale : féré ó le, rimiza é j-alon é ó mëndjyé.
Pé sën k-ouré, che chon mitou a chónye é béitchyé.
Can l’an jou tòte forni, l’an can memo
mëndjya oun mouêe é che chon catchya
derën ou le. |
8. Por mié-jorn, érant en-chiéz lyor. Ils
sè sont metus tués doux u travâly. Il falyéve fére cen que
prèssâve lo ples devant que alar couesenar lo bètiâly : fére lo
liét, remisar les hâlyons et lo mengiér. Per cinq hores, sè sont
metus a souegnér les bétyes. Quand ils ant yu totes fornies, ils
ant quand mémo mengiê un môrs et sè sont cachiês dedens lo liét. |
8. Vers midi, ils étaient chez eux. Ils se
sont mis tous deux au travail. Il fallait fait ce qui pressait
le plus avant d’aller soigner le bétail : faire le lit, ranger
les habits et les aliments. Vers cinq heures, ils se sont mis à
soigner les bêtes. Quand ils ont eu tout fini,
ils se sont blottis au lit.
|
|
9.
Cómin ìron tui dóou byin ouanya,
che chon ëndromi ën che tenyin pé a man. Pé minéi,
chon ita désóna pé
oun grou tapàdzó.
I che chon achéta derën ou le pó myó avouere;
i broui kyé é j-aìé désóna l’a récóminchya
ouncó méi fôo kyé ó promye
àdzó. Ìré cómin l’aechon ouanchya
dé bóché ba pé é j-etseoui di ó chouópiló
tankyé ba ou sioui. |
9. Coment érant tués doux bien lagnês, sè
sont endromis en sè tegnent per la man. Per mi-nuet, sont étâs
dèssonâs per un grôs tapâjo. Ils sè sont
assetâs dedens lo liét por mielx aouire; le bruit que les avéve
dèssonâs at recomenciê oncor més fôrt que lo premiér viâjo. Ére
coment ils ussont lanciê des bosses bâs per les ècheliérs dês lo
sur-lo-pêlyo tant que bâs u celiér. |
9. Comme ils étaient tous deux bien
fatigués, ils se sont endormis en se tenant par la main. Vers
minuit, ils ont été réveillés par un gros tapage. Ils se sont
assis dans le lit pour mieux entendre [ouïr]; le bruit qui les
avait réveillés a recommencé encore plus fort que la première
fois. C’était comme s’ils avaient lancé des tonneaux dans les
escaliers, depuis le galetas jusqu’à la cave. |
|
10.
Adon, i chon chorti foura
tui dóou dou le pó vêre chin kyé che pachàé.
Can ìron drisé foura i j-etseoui,
avouijìon pa méi oun broui. Cheto
kyé ìron derën ou le, i tapàdzo récóminsìé.
É chin l’a dora a frantse néi. I pa béjouin
dé vó jé déré kyé é dóou noouéi
propriétéiro dà fèrma l’an pà méi
dromi ‘na góta tankyé ó matën can l’é
inou dzo. |
10. Adonc, ils sont sortis fôra tués doux
du liét por vêre cen que sè passâve. Quand érant drèciês fôra
les ècheliérs, aouisévont pâs més un bruit. Setout que érant
dedens lo liét, le tapâjo recomenciêve. Et cen at durâ la
franche nuet. Est pas besouen de vos y dére que les doux novéls
propriètèros de la fèrma ant pâs més dromi na gota tant que lo
matin quand il est venu jorn. |
10. Alors, ils sont sortis tous deux du
lit pour voir ce qui se passait. Quand ils étaient debout dans
les escaliers tous les deux, ils n’entendaient plus un bruit;
sitôt qu’ils étaient dans le lit, le tapage recommençait. Et
cela a duré toute la franche nuit. Je n’ai pas besoin de vous
dire que les deux nouveaux propriétaires de la ferme n’ont plus
fermé l’œil jusqu’au matin quand le jour est venu. |
|
11. Adon,
chon parti ba ou bou cajena é béitchyé.
Déean kyé tòrna ina mijon,
l’an abéra é eatsé foura ou boue
déean ó bou. Can l’an tòrna rintra
é béitchyé, l’an tróoua tui é lé
di atsé léta. I féna l’a de a choun n-ómó :
« Kyé l’é-t-e pó on pléjintiri? » Ómó rloui a
répondou : « Yó, chéi pa (chin) kyé che pàché
pè la, ma chó l’é pa normaoue. » |
11. Adonc, sont partis bâs u bouél
couesenar les bétyes. Devant que tornar en la mêson, ils ont
aberâ les vaches fôra u bôly devant lo bouél. Quand ils ont
tornâ rentrar les bétyes, ils ont trovâ tués les liems des
vaches gllètâs. Le fèna at dét a son homo : « Què 'l est-o por
una plèsenterie? » L’homo lui at rèpondu : « Yo, sé pâs cen que
sè pâsse per lé, més ço est pas normal. » |
11. Alors, ils sont descendus à l’écurie
pour soigner les bêtes. Avant de retourner à la maison, ils ont
abreuvé les vaches à l’extérieur, au bassin devant l’écurie.
Quand ils ont ramené les bêtes, ils ont trouvés tous les licols
des vaches liés. La femme a dit à son mari : « Qu’est-ce que
c’est que cette plaisanterie? » Le mari lui a répondu : « Moi,
je ne sais pas ce qui se passe par ici, mais cela n’est pas
normal. » |
|
12. É, di adon,
l’é ita dinche tui é dzò é tóté é néi
dà chenan∙na. Pindin ona partie dà
néi, avouijìon robata é bóché
ba pé é j-etseoui é, pindin kyé mitìon foura
é eatsé, é lé che létàon tui. |
12. Et, dês adonc, il est étâ d’ense tués
les jorns et totes les nuets de la senana. Pendent una partia de
la nuet, aouisévont rebatar les bosses bâs per les ècheliérs
et, pendent que metévont fôra les vaches, les liems sè
gllètâvont tués. |
12. Et, dès lors, il a en a été ainsi tous
les jours et toutes les nuits de la semaine. Pendant une partie
de la nuit, ils entendaient rouler les tonneaux dans les
escaliers et, pendant qu’ils sortaient les vaches, les licols se
liaient tous. |
|
13. É dóou
póouro djyàblo dromìon plo é l’aìon
pà méi d’apiti. I l’an counpri pòrkyé
l’aìon jou a fèrma tan bon martchya. L’aìon
atseta ona fèrma antàé. Tui é j-àtro
chaìon. I che chon cortèdjya grantin ëntré
é dóou. Pó forni, i chon parti outre
ou Coouin di Capotsën démanda dé
counché. I l’an fé ini iséi benere
a mijon é o bou. É Capotsën l’an fé to chin kyé
l’an pouchou, ma rin l’a fé aréta o tapàdzo. |
13. Les doux pouros diâblos dromévont ples
et ils aviant pas més d’apetit. Ils l’ont comprês porquè
ils avévont yu la fèrma tant bon marchiê. Ils avévont achetâ une
fèrma hantâye. Tués les ôtros savévont. Ils sè sont cotergiês
grant-temps entre les doux. Por fornir, ils sont partis outre u
Covent des Capucins demandar des consèlys. Ils ant fêt venir icé
benêre la mêson et lo bouél. Les capucins ont fêt tot cen qu’ils
ant possu, mas ren at fêt arrétar lo tapâjo. |
13. Les deux
pauvres diables ne dormaient plus et ils n’avaient plus
d’appétit. Ils ont compris pourquoi ils avaient eu la ferme si
bon marché. Ils avaient acheté une ferme hantée. Tous les autres
savaient. Ils se sont concertés longtemps, tous les deux. Pour
fini, ils sont allés au couvent des capucins demander des
conseils. Ils ont fait venir [un capucin pour] bénir la maison
et l’écurie. Les capucins ont fait tout ce qu’ils ont pu, mais
rien n’a fait cesser le tapage. |
|
14. É dóou
dzoouénó l’an rin jou kyé a révindre a fèrma
oun mi apréi. I l’an vindou a ona
famele dé j-Aoueman kyé, rlòo,
l’an révindou a dé j-Espanyóououé. |
14. Les doux jouenos ant ren yu que a
revendre la fèrma un mês aprés. Ils l’ant vendu a una famelye
des Alemands que, lyor, l’ant revendu a des Èspagnols. |
14. Les deux
jeunes n’ont rien eu [d’autre à faire] qu’à revendre la ferme un
mois après. Ils l’ont vendue à une famille d’Allemands qui, eux,
l’ont revendu à des Espagnols. |
|
15. Ha fèrma
l’ìtàé vindouàé chi àdzó ën n-oun n-an.
Nyoun l’a pouchou a té vouarda. É, po forni,
l’ìtàé détrouite pé a comona di
j-Adjyété kyé l’aìé pri é gran moouin.
É dóou chon tòrna amou a Tsandoouën,
chàdó, é che chon fé byin ënmóca pé é j-àtró
dou veouàdzó. |
15. Ceta fèrma 'l étâve vendua siéx viâjos
en un an. Nion at possu la gouardar. Et, por fornir, 'l étâve
dètruita per la comena des Agètes que avéve prês les grants
moyens. Les doux sont tornâs amont a Chandoulin, sâjos, et sè
sont fêt bien emmocar per les ôtros du velâjo. |
15. Cette ferme a été vendue six fois en
un an. Personne n’a pu la garder. Et, pour finir, elle a été
détruite par la commune des Agettes qui avait pris les grands
moyens. Les deux sont remontés à Chandolin, sagement et ils se
sont fait bien moquer d’eux par les autres du village.
|
|
16. I móraoua
dé sta conta, l’é sta-chela : i fóou
totin che màfya dé chin kyé l’é troua bon martchya
cómin dà pésta; ché kyé vin, i cha pòrkyé. |
16. Le morâla de ceta conta, el est
ceta-cé lé : il fôt tot temps sè mâlfiar de cen qu'il est trop
bon marchiê coment de la pèsta; cél que vend, il sât porquè. |
16. La morale de
ce conte est celle-ci : il faut toujours se méfier de ce qui est
trop bon marché comme de la peste; celui qui vend, il sait
pourquoi. |
|
Texte original: Louis Reynard; retranscription et traduction en
français : Anne-Gabrielle Bretz-Héritier
in :
REYNARD, Louis, Le patois de Savièse [Tome 7 : Au
temps joyeux de mon enfance],
Savièse :
éditions de la Cervignine, 2002, p. 35-37.
Transcription en ORB : Manuel Meune et Dominique Stich
|
