|
Graphie d’origine |
Graphie
supradialectale
(ORB)
|
Français
(traduction littérale)
|
|
1. Je m’in voué vos
racontô in’histoire : la mina, o n’y a rin de rôro, o poreu étre çarte
la voutra ! Je su naissu à Douarna in trenta-siè, mos parins étiant
farmi à la Mura, su la rota de Saintji-Fai. I s’étiant mariô in vingte-dou
et il ayant loyi na farma à la Ruillardjiri de San-Martji d’in Haut. |
1.
Je m’en vé vos
racontar un’histouère: la mina, o n’y at ren de râro, o porêt étre
cèrte la voutra ! Je su nèssu a Douèrna en trenta-siéx, mos parents
étiant fèrmiérs a la Mura, sur la rota de Sente-Fê. Ils s’étiant mariâs
en vingt-et-doux et ils aviant loyê na fèrma a la Ruyardiére
de Sent-Martin d’en Hôt. |
1.
Je m’en vais vous raconter une histoire: la mienne, il
n’y a rien d’extraordinaire, ça pourrait certainement être la vôtre ! Je
suis né à Duerne en 1936, mes parents étaient fermiers à la Mûre, sur la
route de Sainte-Foy. Ils s’étaient mariés en 1922, et ils avaient loué
une ferme à la Ruardière, à Saint-Martin en Haut. |
|
Apré i bail de nouv’ ans, lo
propriétéro loyi à sa gnici. Mos parints vegniront à la Mura, et in
quaranta, you noviaux propriétéros voillant vindre et i djisiront à mos
parints : je vos faran i prix d’amis. Ma môre fi à mon pôre : j’ons bin
fa quôques économies, j’imprintarons lo resto ! Mon pôre repondji : o ne
se fa pôs. Quonque los gins vant djire ! Et los vétchà remodô à na
trèsieuma farma […] |
Aprés un baly de
nôf ans, lo propriètèro loyét a sa niéce. Mos parents vegnéront à la
Mura, et en quaranta, lyors novéls propriètèros volyant vendre et ils
deséront a mos parents : je vos farens un prix d’amis. Ma mâre fit a mon
pâre : j’ons ben fêt quârques èconomies, j’emprontarons lo résto ! Mon
pâre rèpondét : o ne sè fât pas. Qu’est-o que los gens vant dére ! Et
los vê-que remodâs a na trêsiéma fèrma […] |
Après un bail de neuf ans, le propriétaire loua à sa nièce. Mes parents
revinrent à la Mûre, et en 1940, leurs nouveaux propriétaires, qui
voulaient vendre, dirent à mes parents : on vous fera un prix d’amis. Ma
mère dit à mon père : on a bien fait quelques économies, on empruntera
le reste ! Mon père répondit : ça ne se fait pas. Qu’est-ce que les gens
vont dire ! Et les voilà repartis à une troisième ferme […] |
|
I montjiront vé lo Su à San-Martji et i restiront farmi
tota you vià ! Et très coups il inleuviront lous grômins ! Il uyiront
huit z ‘eufants : quatro garçons et quatre filles, dont na que murèssi
in venant ou mondo [...] |
Ils montéront vers lo Suc a Sent-Martin et ils restéront
fèrmiérs tota lyor via ! Et três côps ils enlevéront los gramons ! Ils
uront huéts
enfants : quatro garçons et quatro filyes, dont na que
moressét en venent u mondo […] |
Ils montèrent au Suc à Saint-Martin et ils restèrent fermiers toute leur
vie ! Et trois fois, ils enlevèrent les chiendents ! Ils eurent 8
enfants : 4 garçons et 4 filles, dont une qui mourut en venant au monde
[…]. |
|
[A]vant de se mariô, il habitôyant quôsî jugnant, mé ma môre éteu ou
Jayoux à Douarna et mon pôre à Frominteuri à Montromant, o n’éteu pô
bien loin pa freuquantô ! I ne parloyant pô franc lo mémo patois et i
murèssiront mé de cinquant’ ans apré, in parlant toujors you mémo patois
!
O n’y a bin pro pa ué, si o l’accorde, o serà pa in’ autra vai !
|
[A]vant de sè mariar, ils habitâvont quâsi jugnent, mas ma mâre étêt u
Jayoux a Douèrna et mon pâre a Fromenterie a Montromant, o n’étêt pas
bien luen por frèquentar ! Ils ne parlâvont pas franc lo mémo patouès et
ils moresséront més de cinquant’ ans aprés, en parlant tojorn lyor mémo
patouès !O en y at ben prod por
houé, se o l'acôrde, o serat por un’ ôtra vês ! |
[A]vant de se marier, ils
habitaient presque à côté, mais ma mère était au Jayoux à Duerne, et mon
père à Fromenterie à Montromant; ce n’était pas bien loin pour
fréquenter [sortir ensemble] ! Ils ne parlaient pas tout à fait le même
patois et ils moururent plus de cinquante ans plus tard, en parlant
toujours leur même patois!
Il y en a bien assez pour
aujourd’hui, si ça accorde [si les choses se présentent bien], ça
sera pour une autre fois !
|
|
2.
Me vétja
mé !
Mos
parints ayant na pro bona sandô, mé in cetu tin, i ne preniant pô de
remeudos coma vore. Quôques rhumos ou la grippa ? De tjisanes, de grogos
et de vès de ventouses, et tja qu’éteu bon. Mon pôre […] a n’ayeu bavô,
coma d’autros : étant nèssu in quatro-viengt onze, a modji ou régiment
pa très ans. Quand a revint, o l a fallu remodô à la guarra pa quatr’ans,
à Vardun et à Salonique. A fu bleussi ou bras, i y foutèssiont la croué
de guarra, mé a n’in parlôve jamé ! J’ayons quand mémo vu din ïn flacon
öin ou qu’i y ayant inlevô. |
2.
Mè vê-que més !
Mos
parents aviant na prod bôna sandât, mas en ceti temps, ils ne pregnant
pas de remédos coment ora. Quârques rumos ou la gripa ? De
tisanes, de grogos et de vês de ventouses, et v’que qu’étêt bon. Mon
pâre […] en aviêt bavâ, coma d’ôtros : étent nèssu en quatro-vengt-onze,
il modét u règiment por três ans. Quand il revent, o at falu remodar a
la guèrra por quatr’ ans, a Vèrdun et a Salonique. Il fut blessiê u
bras, ils lui fotéssont la crouèx de guèrra, mas il n’en parlâve jamés !
J’avians quand mémo vu dens un fllacon un ôs qu’ils lui aviant enlevâ. |
2.
Me
revoilà !
Mes parents
avaient une assez bonne santé, mais en ce temps, ils ne prenaient pas de
remèdes comme à présent. Quelques rhumes ou la grippe ? Des tisanes, des
grogs et parfois des ventouses et voilà qui était bon. Mon père […] en
avait bavé, comme d’autres : étant né en 1891, il partit au régiment
pour trois ans. Quand il revint, il a fallu repartir à la guerre pour
quatre ans, à Verdun et à Salonique. Il fut blessé au bras, ils lui
remirent la croix de guerre, mais il n’en parlait jamais ! Nous avions
quand même vu, dans un flacon, un os qu’ils lui avaient enlevé… |
|
J’ai réussi à y fére avè la médailli militére. Quand j’y ou djisi, a me
fi : o yé bin d’abôrd tin ! Quand a chayi malado à quatro viengt djix
ans, din l’ambulanci, a divaguôve, […] a se crayeu à l’hopitô pa sa
blessuri ! et adon, j’ai comprès parqueu me, in revenant de doux ans
d’Algérie, je n’in parlôyin pô non plus ! |
J’é reussi a lui fére avêr la medalye militère. Quand je lui o disé, il
mè fit : o est ben d’abôrd temps ! Quand il cheyit malâdo a quatro-vengt-diéx
ans, dens l’ambulance, il divagâve, […] il sè crèyêt a l’hopetâl por sa
blèssura ! et adonc, j’é comprês porquè mè, en revenent de doux ans d’Algèrie,
je n’en parlâva pas non ples ! |
J’ai réussi à
lui faire avoir la médaille militaire. Quand je le lui dis, il me fit :
c’est bien d’abord temps ! [Il était temps !] Quand il tomba malade à 90
ans, dans l’ambulance, il divaguait, […] il se croyait à l’hôpital pour
sa blessure ! et à ce moment, j’ai compris pourquoi moi, en revenant de
deux ans d’Algérie, je n’en parlais pas non plus ! |
|
Ma môre se faiseu toujors de mauvé sang
par-nos : ïn jor, j’y djizi : mé parqueu te te fés de soci par-nos ? Le
me fi : o yé plus fôrt que-me, je voudri tant que vos sayeussiô tou
heureux ! Le tombi malada lo onze dou mai de mai in quatro-viengt yon (lo
queûr), lo lindeman de l’euleuction de Mitterrand, et o fu sa fïn : le
ne s’in rebeutji pô; mon pôre la segui quôque tin aprés ! Si la sécu é à
cul, o n’é pô à causa de yeullos.
Los tins
an bien changi : Je m’in voué m’arrêtô qui :[…] je reprindrons din
quôque tin, si je n’ai pô leuvô la varna ! |
Ma mâre sè fesêt tojorn de môvés sang por nos : un jorn,
je lyé
desé : mas porquè te tè
fés de souci por nos ? Ele mè fit : o est ples fôrt que mè, je vodrê
tant que vos seyessâd tot herox ! Ele tombét malâda lo onze du mês de mê
en quatro-vengt-yon (lo cœr), lo lendeman de l’èlèccion de Mitterrand,
et o fut sa fin : ele ne s’en rebetét pas; mon pâre la siuguét quârque
temps aprés ! Se la sécu est a cul, o n’est pas a côsa de ilos).
Los temps ant bien changiê : Je m’en vé m’arrètar qué :[…]
je reprendrons dens quârque temps, se je n’é pas levâ la vèrna ! |
Ma mère se faisait toujours du mauvais sang pour nous :
un jour, je lui ai dit : mais pourquoi tu te fais toujours du souci pour
nous ? Elle me fit : c’est plus fort que moi, je voudrais tant que vous
soyez tout heureux ! Elle tomba malade le 11 mai 81 (le cœur), le
lendemain de l’élection de Mitterrand, et ce fut sa fin : elle ne s’en
remit pas ; mon père la suivit quelque temps après ! Si la sécu[rité
sociale] n’a plus de sous, ce n’est pas à cause d’eux.
Les temps ont bien changé :[…] Je vais m’arrêter ici : on
reprendra dans quelque temps, si je ne suis pas mort ! |
|
Texte original :
Lo Piarrot Rouéro (nom français non
communiqué)
« Histoire d'ina familli
dous Monts dou Lyonnais »,
in Lo creuseu, 2
(oct. 2003), 3 (fév. 2004), 5 (oct. 2004), 6 (mars 2005), 7 (juin
2005), Yzeron
[accessible
à cette adresse :
http://nontra.lingua.free.fr]
Transcription en ORB : Manuel Meune et Dominique Stich
|
